Ölvisholt Brugghús er staðsett í Ölvisholti í Flóahreppi. Brugghúsið er í gömlu fjósi sem gert hefur verið upp af eigendum.
Við settum okkur það markmið í upphafi að framleiða metnaðarfyllri bjóra en venja hefur verið hérlendis.
Sá metnaður hefur skilað sér í því að Ölvisholt er eini bjórframleiðandinn á landinu sem flytur út sínar vörur. Vörur fyrirtækisins hafa fengið mjög góða dóma í Danmörku og Svíþjóð en það er okkar helsti markaður erlendis.
Framleiðslugeta brugghússins er 300 tonn af bjór á ári en það munu vera 1 milljón litlar bjórflöskur. Samstarfsaðili okkar hér á landi er Karl K. Karlsson í Reykjavík sem sér um alla dreifingu og markaðssetningu á okkar vörum á Íslandi.
