• Íslenskir Gæðabjórar

    Íslenskir Gæðabjórar

    Ölvisholt Brugghús


    - Framleiddir í sveitasælunni að Ölvisholti -

Ölvisholt - Bjórarnir okkar

  • Skjálfti

    skjalfti 274x400Skjálfti er af tegundinni premium lager og inniheldur talsvert meira úrval af malti og humlum en venja er í bjórgerð hér á landi.
    Malt: 5 tegundir byggmalt og 1 tegund hveitimalt
    Humlar: First Gold, Cascade og Celeia.
    Ger: Lagerger
    Styrkleiki: 5% Alc.
    Bragð: Skjálfti er maltmikill bjór með mikinn aromakeim sem kemur af humlum. Sítrus og karmella í eftirbragði.
    Matur: Skjálfti hentar vel með feitum og bragðmiklum fiski, pastaréttum og léttum kjötréttum. Skjálfti stendur einnig fyllilega undir sínu einn og sér
    Sagan: Þann 21. júní árið 2000 kom mikill jarðskjálfti með upptök við austurjaðar jarðarinnar Ölvisholts. Ein bygging hrundi, aðrar skemmdust og tjón á innanstokksmunum var mikið. Heitið Skjálfti hæfir vel staðsetningunni enda fólk á svæðinu alið upp við þá vitneskju að dag einn kæmi suðurlandsskjálfti. Tveimur dögum fyrir formlegt opnunarhóf brugghússins árið 2008 kom annar skjálfti með upptök milli Selfoss og Hveragerðis. Merkilegast verður að teljast að í sömu viku og Skjálfti fór í hillur verslana í Svíþjóð þá kom þar fyrsti jarðskjálfti í 60 ár.
  • Freyja

    freyja 274x400Fósturlandsins freyja er hveitibjór eða Witbier að belgískri fyrirmynd. Freyja er létt, silkimjúk og bragðminnst af bjórum Ölvisholts.
    Malt: 2 tegundir byggmalt 1 tegund hveitimalt
    Humlar: First Gold, Hallertau Hersbrucker.
    Ger: Ölger
    Krydd: Appelsínubörkur, kóríander
    Styrkleiki: 4,5% Alc
    Bragð: Freyja er með milt og þægilegt bragð. Appelsína og kóríander í eftrirbragði ásamt lítilli beiskju.
    Matur: Freyja hentar vel með léttum fiskréttum og pastaréttum. Freyja er einnig góð ein og sér.
    Sagan: Þessi bjór er virðingarvottur okkar við hina íslensku konu sem hefur fætt okkur og klætt í gegnum aldirnar. Aðrir bjórar sem Ölvisholt hefur sett á markað hafa verið bragðmiklir og afar flóknir að gerð. Við ákváðum því að koma með fínlegan og silkimjúkan bjór sem útheimtir engin átök við bragðlaukana.
  • Móri

    mori 274x400Móri er stóri bróðir Skjálfta en inniheldur heldur fjölbreyttara úrval af malti og heldur meira af humlum. Móri er flókinn og bragðmikill öl.
    Malt:  6 tegundir byggmalt 1 tegund hveitimalt
    Humlar:  First Gold, Cascade, Goldings og Fuggle.
    Ger:  Ölger
    Styrkleiki:  5,5% Alc
    Bragð:  Léttristað malt, karmella, örlítil sæta og ávaxtakeimur í eftirbragði.
    Matur:  Móri er bestur með bragðmiklu kjöti en kannski fyrst og fremst steiktu eða grilluðu kjöti. Móri stendur fullkomlega undir sínu einn og sér.
    Sagan:  Móri heitir eftir Kampholts Móra sem er frægur draugur hér í sveitinni. Móri mun hafa sést einusinni í Ölvisholti fyrir mörgum árum. Ölið Móri er virðingarvottur við ungan dreng sem drukknaði fyrr á öldum eftir að hafa verið úthúst þegar hann beiddist gistingar á bæ nokkrum. Hann gekk aftur og sór þess eið að fylgja afkomendum bóndans á bænum í 9 kynslóðir. Draugurinn Móri hefur ekki sést í brugghúsinu enn, þó hann sé þar velkominn eins og aðrir.
  • Lava

    lava 274x400Lava er kolsvart öl (Reyktur Imperial Stout) en liturinn kemur frá dökkristuðu malti sem hefur verið brennt á svipaðan hátt og kaffibaunir. Markmið bruggmeistarans var að gera bjór sem hefði mikla sérstöðu. Lava er eins og gott vín, hann batnar á flöskunni í 3 ár sé hann geymdur á köldum stað.
    Malt: 6 tegundir byggmalt 1 tegund hveitimalt (þar af kofareykt malt)
    Humlar: First Gold, Fuggle.
    Ger: Ölger
    Styrkleiki: 9,4%
    Bragð: Lakkrís, karmella, reykur, kaffi ofl.
    Matur: Lava er mjög fínn desertbjór t.d. með súkkulaðiköku. Mörgum finnst best að drekka hann einan og sér.
    Sagan: Lava var upprunalega aðeins ætlaður sem tilraunabjór. Hann þótti hins vegar smakkast afar vel sem varð til þess að honum var kippt með á bjórsýningu í Svíþjóð, þar sem átti að kynna Skjálfta. Það varð svo úr að innkaupastjóri Systembolaget (vínbúð þeirra sænsku) kíkti í heimsókn og fékk að smakka. Undirtektir voru góðar og innkaupastjórinn spurði hvenær við gætum skaffað þennan bjór. Heitið lava vísar til Heklugosa sem sjást stundum frá Ölvisholti en límmiðinn sýnir nokkurn veginn hvernig það lítur út séð útum brugghús dyrnar.