Ölvisholt Brugghús - Heimsóknir

Leiðbeiningar fyrir hópa sem heimsækja Ölvisholt

Aðgangseyrir er 1500kr. Við reiknum með að það séu að lágmarki 10 manns í hóp. Það er í góðu lagi að koma í smærri hóp en lágmarks greiðsla fyrir móttöku á hóp er 15 þúsund kr.

Allar heimsóknir staðgreiðast nema þegar ferð hefur verið keypt í gegnum ferðaskrifstofu.

Mikilvægt er að mæta á bókuðum tíma. Ástæða fyrir þessu er að við tökum á móti mörgum hópum á dag og einn hópur sem mætir seint setur móttöku annarra hópa úr skorðum. Ef seinkun verður á komu hóps er nauðsynlegt að hringja í 4 800 200 og láta vita en þá reynum við að vinna úr málinu.

Við mælum eindregið með því að fólk stilli allri drykkju í hóf áður en komið er í brugghúsið. Áberandi ölvuðu fólki er ekki hleypt inní brugghúsið.

Aldurstakmark er 20 ár. Börn mega þó koma með forráðamönnum. Mikilvægt er að fólk hafi börn hjá sér þegar komið er í brugghúsið enda margar hættur fyrir litlar hendur.

Tekið er á móti hópum á laugardögum milli 12 og 18

Kynning tekur að hámarki 1 klst. Ef hópur vill stoppa skemur þá er það sjálfsagt mál.
Við getum ekki tryggt að sá starfsmaður sem tekur á móti ykkur tali erlend tungumál.

Bókun er ekki staðfest fyr en staðfesting hefur borist þér í tölvupósti.
Vinsamlega athugið að við bókum einungis á heila tímanum. 12, 13, 14, 15 o.s.fr.v
Þegar þú ert búin/n að senda bókun þá kemur kvittun neðst á síðunni.